Metrominuto, elkartasuna urratsez urrats
Europako Mugikortasunaren astearen barruan, irailaren 20an Bilboko Metrominuto ekimena aurkeztu genuen prentsaurrekoan, Bilboko Udaleko mugikortasun eta jasangarritasun arloarekin eta "Dabiltzan hiriak" sarearekin batera.
Metrominuto hiri bateko hainbat punturen artean oinez mugitzeko behar den batez besteko denbora eta distantziak neurtzen dituen mapa edo plano baten izena da. Ibiltzeko ohiturari buruzko sustapen-elementu bat ere bada, hirian oinez egiten diren joan-etorriei balioa ematen diena. Garrantzitsuena jendea gehiago ibitzea laguntzea da.
Europar Batasunaren 2030 Agendaren printzipioetan oinarritzen da. Agenda horrek hirietako mugikortasuna sustatzen du, oinez ibiliz, garraio publikoa saihestuz, pilaketa-arriskuak murriztuz eta herritarren osasuna hobetuz.
[[{"fid":"6864","view_mode":"default","fields":{"format":"default","field_file_image_alt_text[und][0][value]":false,"field_file_image_title_text[und][0][value]":false},"type":"media","attributes":{"height":"401","width":"776","class":"media-element file-default"}}]]
Globaletik tokikora
Alboan-etik, gure misioaren eta erantzukizunatik abiatuta, gure gizarteari kausa global handiak helarazten ahalegintzen gara.
Ibilbide honetan, Dabiltzan Hiriak sarearekin topo egingo dugu, eta harekin lotu gara Bilboko Metrominutoa bultzatzeko. Bolondresen talde batekin egindako prozesu parte-hartzaile baten bidez, Bilboko udaleko mugikortasun eta jasangarritasun arloarekin bat egin dugu, diseinua egiteko.
Kasu honetan, Metrominuto Amazoniaren defentsaren eta bertan bizi diren herrien eskubideen inguruan sentsibilizatzeko aukera bat dela uste dugu.
Ibiltzea, energia fosilen kontsumoa gutxitzen laguntzeaz gain, geure osasuna zaintzeko ekintza bat da, eta tradizionalki naturarekin harmonia handiagoa duten eta garraiobide nagusia ibiltzea duten herri indigenekiko elkartasun-keinu bihur daiteke.
Keinu erraza horren bidez, hiri energetikoki iraunkorragoak sortzen, klima-aldaketa geldiarazten eta Amazoniaren defentsarekin solidarizatzen lagun dezakegu, eta, gainera, gure herritartasun globalaren nortasuna garatzen dugu.
Metrominuto Bilbaoz gain, Metrominuto ere badago Iruñean, Gasteizen eta Donostian.
