Korrika egin haur errefuxiatuen alde martxoaren 5ean Gasteizen eta 19an Iruñean!
[[{"fid":"6546","view_mode":"default","fields":{"format":"default","field_file_image_alt_text[und][0][value]":false,"field_file_image_title_text[und][0][value]":false},"type":"media","attributes":{"height":"58","width":"303","class":"media-element file-default"}}]]
Datorren martxoaren 5ean Gasteizen, eta martxoaren 19an Iruñean "Korrika egin kausa baten alde, korrika egin Haur Errefuxiatuen alde" lasterketak egingo dira, Entreculturas GKEarekin batera 15 hiritan egiten dugun elkartasunezko lasterketen zirkuituaren barruan. Aurten, errefuxiatu edo derrigorrezko lekualdatzean bizi diren haurrek hezkuntzarako duten eskubidea babestea da proposamena. Horretarako, lasterketan bildutako dirua ikasleei indarkeriatik urrun jolasteko, prestatzeko eta hazteko espazio seguru bat bermatzen laguntzen dieten proiektuetara bideratuko da.
Gatazka armatuek gaur egun 420 milioi haur baino gehiagori eragiten diete munduan, eta haien bizitzak izuz, segurtasunik ezaz eta, kasu askotan, nahitaezko desplazamenduz betetzen dituzte. 40 milioi pertsona baino gehiagok etxea, familia eta eskola utzi behar izan dituzte beren bizitzak salbatzeko. Larrialdi-egoeretan funtsezkoa da haurrak babestea, haur horiek espazio segurua dutela ziurtatzea.
Aterpe Eskola: hezkuntzak bakea eraikitzen du
Eskola babeslekua da. Bakearen, babesaren, inklusioaren eta bizikidetzaren esparru hori da. Hezkuntza funtsezkoa da elkarrizketa sustatzeko gatazkaren aurrean, enpatia etsaitasunaren aurrean, harrera errefusaren aurrean. Hezkuntza funtsezkoa da bakearen kultura sortzeko, mundu bidezkoagoa eta solidarioagoa eraikitzeko.
Lasterketan bildutako dirua Aterpe Eskola kanpainara bideratuko da. Horren bitartez, Alboan, Entreculturas eta Errefuxiatuentzako Jesuiten Zerbitzua-k Ukraina, Libano, Tanzania, Kongo ED edo Kolonbia bezalako herrialdeetan haur errefuxiatuak eta haien familiak eta komunitateak zaintzen, babesten eta laguntzen ditugu. Arreta humanitarioa, arreta psikosoziala, hezkuntza-laguntza eta jolaserako eta bizikidetzarako espazioak eskaintzen dizkiegu, beren bizitzak berreskuratzeko eta etorkizun duina izateko.
Martxoaren 5ean, Gasteizen; martxoaren 19an, Iruñean
Irteera 11:30ean izango da San Prudentzio kaletik (Arka plaza). Egin beharreko distantzia 6,200 km-koa izango da, ibilbide zirkular batean; beraz, Arka plazan ere amaituko da. Ez da saririk emango eskudirutan, baina emakumezko zein gizonezko lehen sailkatuei opariak emango zaizkio. Gasteizko lasterketa UDAPA, Ausolan, Insalus, Laboral Kutxa, El Correo, Gaikar Kirolak, CaixaBank, Deloitte, Liferay, Mapfre babesten dute.
Iruñean irteera Takonera parketik izango da. Hainbat proba izango dira: umeentzako 400 metro 11.15ean; umeentzako 100 metro 11:30etan; eta guztientzako 5 km. ibiliz edo korrika eginez.
Izena emateko kuota 11 €-koa da. Gainera, edozein pertsona edo erakunderen eskura dauden dohaintzetarako zero dortsal bat egongo da, borondatez nahi duen zenbatekoa emanez.
Animatu eta parte hartu!
