One Proposal: erantzun koordinatua Ukrainarentzat

Alboan Alboan
30/05/2022
Ukraina larrialdia

Azken hilabeteetan jakinarazi dugun bezala, Jesusen Lagundiak Ukrainako larrialdiari emandako erantzunak etenik gabe jarraitzen du bere garapenean inplikatuta dauden herrialde eta erakunde askoren lan koordinatuarekin.

Alboan eta Entreculturas-ek mobilizatzen jarraitzen dugu larrialdi honetan, Errefuxiatuentzako Jesuiten Zerbitzuaren eta Xavier Sarearen koordinaziopean. Horretarako, gure larrialdi-protokoloa aktibatu dugu, arreta, errefuxiatuei eta barne desplazatuei harrera eta laguntza eskaintzeko Ukrainan zein Polonian, Hungarian eta Eslovakian.

JRS Europa inplementatzen ari den koordinazioaren arduraduna da, tokiko erakundeekin batera. Ostiralero, koordinazio orokorreko taldea JRSrekin eta Xavier Sareko taldearekin biltzen da. Koordinazio orokorreko talde horrez gain, une honetan nazioarteko lan-taldeak daude, programak kudeatzeko, funtsak biltzeko, segurtasunerako, Komunikaziorako eta Intzidentziarako. Lantalde horiek hainbat maiztasunekin biltzen dira, larrialdiaren inguruko koordinazioa eta produktu eta zerbitzuak bermatzeko.

Maiatzaren 9tik 15era, Alberto Aresek, SJk (JRS Europako zuzendaria) eta Dani Villanuevak, SJk (Entreculturas eta Alboaneko lehendakariorde exekutiboa eta Xavier Sareko Larrialdietako koordinatzailea) bisita instituzionala egin zuten Poloniara, Errumaniara eta Ukrainara, erantzun koordinatua gero eta koherenteagoa eta egituratuagoa dela bermatzeko.

 

Horrela, berehalako erantzunen ekintzen koordinazio mailakatuak Frantzisko aita santuaren lau aditzen inguruko erantzun humanitarioko ekintza guztiak integratzen dituen proposamen global baten diseinuari bide ematen dio, gure erantzunak nolakoa izan behar duen laburbiltzeko: errefuxiatuak hartzea, babestea, sustatzea eta integratzea.

Programa globalak, "One Proposal" izena hartu duenak, lau dimentsio ditu:

  • Harrera, aldi baterako ostatua emanez, elikagaiak eta premiazko beste gai batzuk, garraioa, dei-zentroetako arreta.
  • Babesa, ostatu segurua emanez, elikagaiak eta lehen mailako premiako beste artikulu batzuk, laguntza juridikoa, laguntza psikosoziala, hezkuntza eta osasuna.
  • Sustapena, errefuxiatuen hezkuntza- eta bizi-beharrei erantzunez.
  • Integrazioa, adiskidetzen eta kontzientziatzen lagunduz, hezkuntza-, komunikazio-, eragin- eta laguntza-ekintzen bidez.

 

Jesuiten elkartasun orokorreko sarearen erantzuna apartekoa izaten ari da, eta dagoeneko 5 milioi euro baino gehiago bildu ditu guztira. Epe ertainean esku hartzeko eta laguntzeko estrategiei esker, hiru urterako proposamen bat proiektatu dugu, eta oraindik ere laguntza handiagoa behar dugu horretarako. Jesuiten konferentziak, GKEak eta misio- eta garapen-bulegoak bat datoz erantzun komun horrekin.

 

Gure inguru hurbila ere mobilizatzen da ukrainarrak hartzeko

Gure ingurune hurbiletik asko laguntzen ari gara larrialdi globalean, eta aldi berean koordinatzen ari gara Migratzaileentzako Jesuiten Zerbitzua (SJM) osatzen duten tokiko erakundeen sarearekin. Gure inguruan zerbitzuak eskaintzeko antolatzen ari gara, Ukrainatik datozen errefuxiatuen harrera lagunduz:

  • Iritsi berriei lehen harrera eta oinarrizko orientazioa ematea.

  • Gizarteratzea eta sare komunitarioak eraikitzea.
  • Egoitza-harrera larrialdiko ostatuaren beharra duten edo kalteberatasun handiena duten pertsonentzat.

 

Bilbon egoitza duen Ellacuria Fundazioan gaztelaniako eskolak ematen ari dira, eta, duela gutxi, euskarakoak; izan ere, 15 urte baino gehiago atzerritarren harreran eta laguntzan lan egin ondoren, badakite zein garrantzitsua den harrera linguistikoa, bertako hizkuntza ezagutzea baita pertsonak gizarteratzeko oinarria. Astez aste, boluntario-taldeak 133 pertsona gehiago izan ditu, eta, horri esker, gaztelaniazko ikastaroak jarri dira abian. Ikastaro horien bidez, 230 pertsona baino gehiago artatzen ari dira, gehienak emakumeak, eta horietatik 50 inguru oraindik eskolatu gabe dauden adingabeak dira, beren amek ikasteko aukera izan dezaten.
 

Nahi baduzu, Ukrainako Larrialdia babesten jarrai dezakezu:

Kategoria: