Inoiz baino emakume gehiago martxan: ikaskuntzak eta erresistentziak Afrikatik eta Latinoamerikatik
Azaroaren 9tik 15era bitartean, Latinoamerikatik eta Afrikatik etorritako 10 emakumek bisitatuko gaituzte, mugikortasun behartuaren erronkei eta emakumeek jasaten dituzten indarkeria espezifikoei buruz hitz egiteko, hausnartzeko eta ikasitakoa partekatzeko.
Alboan-ek 2019tik dinamizatzen eta laguntzen duen Emakumeok Martxan programaren barruan antolatu da bisita hau. Ordutik, emakumeen aurkako indarkeriek eta lekualdatzeek gora egin dute etengabe. Horregatik, gaur inoiz baino gehiago, beharrezkoa da konexio-espazioak sortzea, ikaskuntzak partekatzea, eta mobilizatzen lagunduko diguten aliantzak sortzea.
Testuinguru horretan, laster Bilbon eta Donostian egingo diren bi ekitaldi irekitan parte hartzera gonbidatzen zaituztegu
Emakumeok Martxan Nazioarteko Biltzarra. Bilbo.
Kongresuaren datak aldatu behar izan ditugu Bilbon, azaroaren 11rako aurreikusitako greba orokorra dela eta. Topaketetara joatea eta ondo joatea errazteko, azaroaren 9ra eta 10era aurreratzen ditugu datak. Xehetasunak kontsultatu eta izena eman dezakezue formularioko estekaren bidez.
Beraz, azaroaren 9an eta 10en, Emakumeok Martxan: Giza Mugikortasuna eta Emakumeen aurkako Indarkeriak Nazioarteko Biltzarra egingo da Bilbon, Alboan-ek eta Deustuko Unibertsitateak antolatuta.
Informazioa eta hizlariak:
- Noiz: 2026ko azaroak 9 eta 10
- Tokia: Barandiaran aretoa, Deustuko Unibertsitatea. Bilbo.
- Prezioa: doan
- Hizkuntzak: gaztelania, ingelesa eta frantsesa, itzulpen-zerbitzuarekin. Zoom-en bidez. Itzulpena behar baduzu, zure telefono mugikorra eta entzungailuak eraman behar dituzu.
- Ikusi egitaraua
Elkartzeko gunea izango da eta ondorengoa aurkituko dugu:
- Emakumeok Martxan programa osatzen duten erakundeen esperientzia ezagutzea. Afrikako eta Latinoamerikako 10 herrialde baino gehiagotako GGKEen ordezkariek beren esperientziak partekatuko dituzte.
- Programaren ebaluazioaren emaitzak eta ikaskuntzak partekatzea.
- Latinoamerikan, Afrikan, Europan eta Euskadin emakumeei mugikortasunean laguntzeko esperientzien artean jakintzen trukeak sustatzea.
Afrikan eta Latinoamerikan mugitzen diren emakumeei laguntzen dieten erakundeetako ordezkariek parte hartuko dute, hala nola Caddy Adzuba, Adiskidetasunaren Asturiasko Printzesa sariduna eta AFEM-FPMko (Kongoko Errepublika Demokratikoa) zuzendaria eta Alejandra Castellanos, Latinoamerikako Errefuxiatuentzako Jesuiten Zerbitzuko (JRS) zuzendaria. Laster parte-hartzaile gehiago konformatuko dugu.
Azaroaren 9ko arratsaldean, gainera, tailer bat eskainiko dugu: Emakumeok Martxan programaren ebaluaziotik abiatuta, mugikortasunean dauden emakumeei laguntzeko ikaskuntzak eta gakoak. Batez ere, GGKEei, gizarte-erakundei edo gaian interesa duten pertsonei zuzenduta dago.
Izena emateko ordutegiak eta modalitateak
Zure parte-hartzea aukeratu dezakezu, libre zauden denboraren arabera:
Goiz batean (azaroak 9 edo 10 — 9:30etik 14:00etara)
Goiz bietan (azaroak 9 eta 10 — 9:30etatik 14:00etara)
Egitarau osoa: goiz bietan + tailer praktikoa (azaroak 9, 15:30etik 17:30era)
Izena emateko: Gorde data eta aukeratu nola parte hartu nahi duzun:
Itzulpen zerbitzua: Hitzaldi batzuk ingelesez eta frantsesez izango dira, eta, beraz, itzulpen-zerbitzua egongo da Zoom bidez. Itzulpena behar baduzu, zure telefono mugikorra eta entzungailuak eraman behar dituzu.
Berdintasunerako sareak ehuntzen: Afrikatik, Latinoamerikatik eta Euskaditik GJH 5era migratutako emakumeei laguntzeko esperientziak (Donostia)
Gainera, bisita horren barruan, Espainiako Migranteentzako Jesuiten Zerbitzuak (SJM) hausnarketa - eta truke- jardunaldi bat antolatu du Donostian, Alboan, Ellacuria Fundazioa eta Loiolaetxearen laguntzaz.
Gune honetan, Afrikako hainbat lekutan 5. GJHaren inguruan izaten diren testigantzak, erronkak eta esperientzien ikaskuntzak entzuteko aukera izango dugu. Helburua generoen arteko berdintasuna lortzea eta emakume eta neska guztiak ahalduntzea da, emakumeen eta nesken aurkako diskriminazio eta indarkeria mota guztiak desagerraraziz.
Burunditik, François Xavier Nsababandi JRS Burundiko programen arduraduna eta Kongoko ED-ko 3 emakumeren ahotsak izango ditugu: AFEMeko Caddy Adzuba; Justine Masika, Synergie des Femmes pour les Victimes des Violences Sexuelles sareko zuzendaria; eta Butemboko (FEPSI) sexu-indarkeriatik bizirik atera diren pertsonen arretarako ospitaleko Gertrude Tamba.
Informazioa:
- Noiz: 2026ko azaroaren 13an
- Ordutegia: 10:00etatik 14:00etara
- Tokia: Arrupe aretoa, Garibay kalea 19, Donostia
- Prezioa: doan
- Ikusi egitaraua
Gizarte Eskubide, Kontsumo eta Agenda 2030 Ministerioaren finantza-laguntzarekin egin da. Edukia diruz lagundutako erakundearen erantzukizun esklusiboa da, eta ez du nahitaez islatzen Gizarte Eskubide, Kontsumo eta Agenda 2030en Ministerioaren iritzia.
