Rwamaganako landa-barrutia nekazaritzan oinarritzen da eta bertako biztanleriaren %20-a pobreziaren mugaren azpitik bizi da. Nekazaritza eta abeltzaintza funtsezkoak dira pobrezia murrizteko eta familien elikadura eta osasuna hobetzeko.
Proiektu honek familia horien gaitasunak indartu nahi ditu prestakuntzaren bidez, nekazaritza eta abeltzaintzako negozio txikiak abian jartzeko kapazak izan daitezen. Horrela, diru-sarrera berriak sortu eta bere familien zein komunitatearen bizi-baldintzak hobetu ahal izango dituzte.
Zer lortu nahi dugu?
Helburua: Rwamaganako (Ruanda). barrutian egoera ahulean dauden nekazari-familien arteko pobrezia ezabatzen laguntzea.
Onuradunak: 200 familia.
Jarduera nagusiak:
1. Txerri abeltzaintzarako azpiegiturak eraikitzea.
2. Txerriak hazteko tekniketan trebatzaileak prestatzea.
3. 25 txerri erostea eta banatzea.
4. Ongarri organikoaren ekoizpena eta erabilera sustatzea.
5. Prestakuntza barazkigintzan eta enpresa-sorkuntzan.
Nola lagundu ahal gaituzu?
12.000 €-ko erronka ezarri dugu txerrientzako korten eraikuntza finantzatzeko eta proiektua abian jarri ahal izateko. Azpiegitura horiek funtsezkoak dira familia parte-hartzaileek jasoko dituzten 25 txerriak hazi ahal izateko. Zehazki, hau da eraiki behar duguna:
- Bi ukuilu, bata 13 txerri eta bestea 12 txerrientzat.
- Bieuri-ur biltegi, bat ukuilu bakoitzeko, teilatuetan jasotako ura txerriei edaten emateko eta garbiketan erabiltzeko.
- Pentsua eta txerrientzako botikak gordetzeko biltegia.
