Biltzarra "Emakumeok martxan"

bortizkeria eta lekualdatzea Afrikako 5 eskualdeetan

2018ko urriaren 18 eta 19

Deustuko Unibertsitatea - Urteurrena Auditorium, Bilbo, urriak 18 eta 19.

organizan: ALBOAN y Universidad de Deusto

Biltzarra

Emakumeok martxan: bortizkeria eta lekualdatzea Afrikako 5 eskualdeetan

Egunero 44.400 lagun beren herrialdeetatik ihes egitera behartuak izaten dira pobrezia eta bortizkeria dela eta.

Kongo Errepublika Demokratikoan soilik 5 milioi pertsona, gehienak emakumezkoak, horrelako egoeran daude.

Europarako bidean, alboko herrialdeetan erbesteratuak, edo euren herrialdeetan lekualdatuak, emakume horiek oso baldintza zaurgarrietan bizi dira, oinarrizko eskubideak urraturik dituztela.

Congreso "Mujeres en Marcha" - Retrato de mujer

Legatu pribatu bati esker, iaz ALBOAN Fundazioak MIEZA programari ekin zion bortizkeria jasaten duten emakumeei laguntzeko lana indartu nahian, beren ongizate fisikoa, emozio-ongizatea, eta gizarteratzea ziur daitezen, eta euren geroaren protagonista eta jabe izan daitezen.

Deustuko Unibertsitatea, Errefuxiatuentzako Zerbitzu Jesuita eta Vedruna ahizpen laguntzaz, 2017ko urrian diagnostiko faseari eman genion hasiera. Afrikako 5 eskualdeetan egon gara eta emakume errefuxiatu zein lekualdatuekin banan-banako eta taldeko elkarrizketak izan ditugu. Horren ondorioz, migrazio-bideetan bizitako bortizkeria esperientziak ezagutu ahal izan ditugu, eta baita haien eskaerak eta itxaropenak ere.

Emakumeok martxan: bortizkeria eta lekualdatzea Afrikako 5 eskualdeetan izeneko Nazioarteko Biltzar honetan emakume horien egoera eta eskaerak azaleratu nahi ditugu, diagnostikoen emaitzak zabaldu, eta errealitate horri aurre egiteko gure lanean egin behar ditugun hobekuntzei buruz hausnartu.

Horretarako, Giza Eskubideen eta emakumeen eskubideen defendatzaile ezagunak izango ditugu gurekin: Ugandako Victoria Nyanjura, Kongoko Justine Masika eta Caddy Adzuba, eta Itziar Ruiz Giménez, Unibertsitateko, herri-erakundeetako, Afrikako erakundeetako eta giza laguntzaren nazioarteko erakundeetako hainbat ordezkariekin batera.

PARTE HARTU

Programa (deskargatu pdf programan)

Urriak 18, osteguna: Begirada bat errealitateari
09.15-10:00	Partehartzaileen izen-ematea
10.00-10.45	Biltzarraren irekiera eta ongietorria Jose María Guibert sj. Deustuko Unibertsitateko Errektorea. Rafael Miezari omenaldia Mateo Aguirre sj. ALBOANeko alboko zuzendaria. Nazioarteko biltzarraren aurkezpena María del Mar Magallón. ALBOANeko zuzendaria.
10.45-11:45	Bortizkeria Afrikan, eta emakumeengan duen inpaktua. Emakumeen ahalduntzea indarkeriaren ostean: Nola hasi berriz? Victoria Nyanjura. Ugandako ekintzailea, justizia trantsizionalean eta gerra-testuinguruetako sexu-indarkerian aditua.
11.45-12.15	Atsedenaldia
12.15-13.15	Bizipenak lehen pertsonan: Mugetan indarkeriak emakumeengan duen inpaktua, eta horri aurre egiteko estrategiak. Wassima Foukay. Tangerreko Migrazioen Ordezkaritza Diozesiarreko psikologoa.
13.15-14.00	Bortizkeria gerra-testuinguruetan: Kongoko Errepublika Demokratikoa. Justine Mashika Bihamba. Synergie des Femmes-eko zuzendaria, Kongo (DR).
14.00-15.00	Bazkaria
15.00-15.30	Musika-saioa: Eneko Larrañaga "ENEKORA"
15.30-17.00	Mieza programa: Afrikako emakume errefuxiatuen eta lekualdatuen egoerari buruzko ikuspegi integrala. Leire Morquecho. ALBOANeko Nazioarteko Lankidetza arloko arduraduna. Emakumeak hizketan: Errealitateen eta ametsen diagnostikoak Afrikako 5 eskualdetan. Sabina Barone. Ikerlaria eta diagnostikoen egilea. Odette Dede Houedakor. Diagnostiko-taldeko kidea
17.00-17.30	Atsedenaldia
17.30-18.45	Diagnostikoaren oihartzunak Itziar Ruiz Gimenez. UAMeko Ikasketa Afrikarren taldeko koordinatzailea. Caddy Adzuba. Emakumeen eskubideen aldeko aktibista, Kongo (DR). Pepe Naranjo. Freelance kazetaria, Mendebaldeko Afrikan aditua.
18.45-19.00	Jardunaldiaren amaiera Dani Villanueva sj. ALBOAN Fundazioko presidenteorde exekutiboa.

Urriak 19, ostirala: errealitate honek dituen erronkak: nola lagundu eraldatzen?
09.00-09.30	Partehartzaileen izen-ematea
09.30-10.00	Saioaren irekiera: "El Canto de la Guarura" izeneko ahozko kontakizun eszenikoa, Cruz Noguerak taularatua.
10.00-11.30	1. mahai-ingurua. Gure erakundeetatik: Zer eraldaketei ekin behar diegu errealitate hau aldatzen laguntzeko? Celinda Sanz Velasco. AECIDeko Giza Ekintzaren Bulegoko Genero eta Babes arduraduna. Flaminia Vola. Vatikanoko Giza Garapen Integralaren taldeko Migrazioen eta Errefuxiatuen ataleko koordinatzailea erregionala Cristina Manzanedo. Abokatua ÖDOS proiektua. Pilar Díez. Garapenerako Lankidetzaren Euskal Agentziako teknikaria.
11.30-12.00	Atsedenaldia
12.00-13.15	2. mahai-ingurua. Sektore humanitariotik: Praktika berriak errealitate berrietarako. Tom Smolich sj. Errefuxiatuentzako Zerbitzu Jesuitako zuzendaria. Laia Luthi. Oxfam Babeserako Aholkularia. Eva García Bouzas. ACNURen Babes Globalerako Klusterreko babes-taldeko burua.
13.15-13.45	Aurrera egiteko aurreikusten ditugun bideak. Biltzarraren amaiera Mª Mar Magallón ALBOANeko zuzendaria