Educación

HEZKUNTZA ETA PRESTAKUNTZA

Pertsonei informatzen, prestatzen, antolatzen eta mobilizatzen laguntzen diegu

Gure mundutik baztertuak izan direnekin konprometituta dauden herritarrak nahi ditugu, eta horretarako lan egiten dugu gure ingurunean. Pertsonek informazioa eta prestakuntza jasotzea nahi dugu, eta antolatzea eta mobilizatzea, bazterkeria sorrarazten duten egoerak aldatzeko.

ALBOANek zenbait azterlan eta ikerketa egiten ditu, eta, horietatik abiatuta, hezkuntza formaleko eta ez formaleko hezitzaileei zuzendutako hezkuntza-proposamenak gauzatzen ditu. Horrez gain, herritar guztientzako kanpainak ere egiten ditu, gizartea solidarioagoa eta eraldatzaileagoa bihurtzeko asmoz.

155

Ikastetxe

EAEn eta Nafarroan

1108

Hezitzailek

erabili izan dituzten gure hezkuntza-materialak

140

Ekintza hezigarri

Afrika, Asia eta Latinoamerikako

5000

Pertsonak

jaso dute prestakuntza

Sareak eta taldeak

red de jóvenes

1Gazte Sarea

Elkartasunaren aldeko ALBOAN Gazte Sarea, elkarte eta gazte-taldeentzako espazioa da. Bertan, partaidetza eta boluntariotzari buruzko prestakuntza eta esperientziak partekatu ahal dituzte, hegoaldeko herriak eta horiek gure gizarte, bizimodu eta kontsumo-ereduekin duten harremanean zentratuz. Sarea 16 eta 20 urte bitarteko gazteei eta horien hezitzaileei zuzenduta dago.

Elkartasunaren aldeko ALBOAN Gazte Sarearen xedea nerabeen gaitasunak indartzea da, gizarte globalaren barnean aktiboki parte hartu dezaten. Elkarrizketarako eta “globalki pentsatu, tokian jardun” printzipioa errealitate bihurtzeko espazio bat da; justuagoa, solidarioagoa eta iraunkorragoa den mundurako gizarte-eraldaketarako bidean.

Informazio gehiago

2Hezitzaileen sarea

EDUKALBOAN Sarea gizarte bidezko, inklusibo eta zuzenagoa eraikitzeko konpromisoa duten hezitzaileen plataforma da. Arreta berezia ematen dio hezkuntza gure munduko desberdintasun handiak aldatzeko bitarteko gisa sustatzeari.

Ikastetxeak eta hezkuntza ez formaleko elkarte eta taldeak leku ezin hobeak dira aldaketa pertsonal nahiz sozialerako prozesu horiek sustatzeko. Sareak pertsona, eskola, talde edo mugimendu askoren arteko harremanak eta sinergiak bultzatzen ditu; hartara, denek batera egingo dute hezkuntza eraldatzailearen alde.

Informazio gehiago

Informazio gehiago

Gure hezkuntza materiala jaso nahi baduzu, utzi zure datuak.