"Amazoniaren erronkak eta Elizaren erantzuna", Bilbo, apirilaren 6
Apirilaren 6an, Bilboko Arrupe Etxean (Aita Lojendio kalea, 2), "Amazoniaren erronkak eta Elizaren erantzuna" hitzaldia izango da, Alboan, Centro Loyola eta CVX-Arrupe Elkarteak antolatuta. Bertan izango dira Lily Calderón, Red Eclesial Panamazónica (REPAM)-eko Giza Eskubideen Guneko koordinatzailea eta Alfredo Ferro SJ, CEAMAko idazkari exekutiboa (Amazoniako Eliz Konferentzia).
• Apirilak 6, osteguna 18:30
• Arrupe Etxea (erabilera anitzeko aretoa), Aita Lojendio kalea, 2, Bilbo
• Zalantza edo kontsultetarako: a.gonzalez@alboan.org | 944 151 135
Red Eclesial Panamazónica (REPAM) giza eskubideak eta herri indigenak babesteko lan egiten duten Amazoniako mila erakundek parte hartzen duten sarea da. Pertsonen eta herrien eskubideen aurretik hazkunde ekonomikoa lehenetsi duten Estatuen kontrapuntu izateko sortu zen.
Lily Calderon abokatu gaztea da, Peruko Andeetan kitxua jaioa, eta hainbat urtez Amazoniako Yurimaguasko Bikariatoan lanean aritu ondoren, Espainiara joatea erabaki du, prestakuntza zabaltzeko, ingurumen-politikari buruzko master bat eginez.
Alfredo Ferro SJ kolonbiarra REPAMekin lotuta dago eta bere zutabeetako batzuen garapena babestu zuen, Eskualde Panamerikarrerako Sinodoa prestatzeko prozesu guztiarekin batera. Gaur egun Ceamako (Amazoniako Eklesiar Konferentzia) idazkari nagusia da. Erakunde hori 2020ko ekainean sortu zen, 2019ko urrian Vatikanoan egin zen eskualde panamazonikorako sinodo berezitik sortutako proposamen asko zehazteko helburuarekin.
