xjzldfh kshfklsd fkdfk dfskdhfklsdhfskldlfkh dkljhfklshf slkdhflskhflskhflskdfskldfksjdlfksjdlfkslfsdkljfhhlskjhfldskjflskdfslkdfjc Cast I Eusk

• Kanpainia
• Gatazka
• Haurrak
• Lagundu

Haurrak dira, Ez soldaduak

“Haurrak dira, Ez soldaduak” kanpainaren helburua, Batticaloa eskualdeko (Sri Lanka) neska-mutiko soldaduak birgaitzen eta gizarteratzen laguntzea da, eta bakerako eta berradiskidetze nazionalerako prozesua laguntzea.

Kanpainak neska-mutiko soldaduen, harrera, birgaitze eta gizarteratze zentroaren funtzionamendua, “Liles of the field hostel” (landa-zelaietako amañi-lilien harrera-zentroa) bultzatzen du. Zentro horretan beren oinarrizko premiak asetzeaz gain, arreta psikologikoa, irakaskuntza eta prestakuntza profesionala jasotzen dituzte. Gainera, ahal den guztietan, beren familietan gizarteratzeko dauden aukerak eta berriro errekrutatzea eragozteko jarraipen sistemak ezartzea ebaluatzen dira.

“Liles of the field hostel” horretan, zehazki, ofizioak ikastea sustatzen da, hala nola, josten, sukaldaritzan edo soldaketan eta, beren egoerak uzten duen neurrian, inguruetako tailerrekin eta negozio txikiekin hitzarmenak egiten dira lan-munduan sartzeko.

Une honetan zentro horrek berrogeita hamar neska-mutiko soldadu inguru ditu bere ardurapean, babestoki horretara UNICEFen bidez iristen dira, hau arduratzen baita horiek aurkitu eta desmobilizatzeaz.

“Haurrak dira, Ez soldaduak” kanpaina ALBOANen proposamena da, jesuitek Euskadin eta Nafarroan duten GKE, Sri Lankako pertsona Errefuxiatuen Jesuita Zerbitzuarekin elkarlanean, hau arduratzen baita zentroa kudeatzeaz.

Testigantzak

Sisilan, 14 urte

Traktore batean zihoan Batticaloako errepide batean zehar, bide-bazterrean  guardia egiten ari ziren gizon batzuei ura eskatu zienean. “Orduan Tamil Herriko Askatasuneko Tigreek (LTTE) berekin eraman zuten”, dio Najarath bere amonak. Sisilanen familiak bi egun geroago aurkitu zuen mutikoa, oihaneko kanpamendu batean, eta etxera ekartzea erabaki zuten. Bere osaba haren bila joan zenean, tiroz eraso zioten gerrillariek. 

Geetham, 15 urte

“Familiari laguntzeko lan bila  kalean zebilela auto batean sartu zuten. Ordutik ez dugu berriro ikusi. Nire ama haren bila joan da, baina armadaren oihaneko base batera eraman dute”, dio Nithakaram, 12 urteko haren anaia gazteak.

Ahila, 20 urte

Ahilak, 12 urte zituela hartu zuen lehen arma eskuetan, 14rekin lehen operazioetan hartu zuen parte, “itsu-itsuan hiltzen duzuneko borrokaldiak” eta 16rekin jaso zuen lehen bala-zauria, bekokian. Bizirik irten zuen. Neskato soldaduak, izu-ikara ematen diola dio, harrera-etxeko babesa utzi eta berriro errekrutatzeak.

 

::::::::::::::::::::::::::::::::::::::::::::::::::::::::::::::::::::::::::::::::::::::

ALBOANek koalizio honetan parte hartzen du