NORTZUK GARA?

GURE SUSTRAIAK

Jesusen Lagundiaren Loiolako Probintziak sustatzen eta babesten duen Fundazioa da ALBOAN.

Loiolako Probintziak tradizio luzea du nazioarteko lankidetzan. Probintzia horretako ehunka jesulagunek eman dituzte beren bizitzak beste lurralde, kultura eta erlijio batzuetako pertsonen zerbitzura.

Lan horretan eraginkortasun handienez jardun duten Probintziaren erakundeen artean, nabarmentzekoa da Misioetako Idazkaritzen azken berrogeita hamar urteotako jarduna: Gujarat-eko Idazkaritza, Fe y Alegría eta Ekialde Urruneko Misioa. Sustrai horiek elikatzen duten tradizioan txertatuta dago ALBOAN.