Lan eskaintza: Kudeaketa koordinatzailea

Kudeaketa Koordinazioko lanposturako pertsona bat bilatzen ari gara, motibazio handikoa eta Alboanen misioarekin eta estiloarekin identifikatzen dena. Interesdunek curriculuma eta motibazio-gutuna bidali ahal dituzte posta elektronikoz personal@alboan.org helbidera 2024ko otsailaren 2ra arte, gaian "Erref.: Kudeaketaren koordinazioa" adieraziz.

1. Lanpostuaren egitekoa

Kudeaketa-arloaren buru izatea, eta erakundearen politika eta prozesu ekonomiko-finantzarioak eta zerbitzu orokorrekoak koordinatzea.
 

2. Kokapena organigraman

Zuzendaritzaren menpe.

3. Lanpostuaren eginkizunak

• Erakundeko koordinazio-taldean parte hartzea.
• Kudeaketa-arloa gidatzea, kontratatutako pertsonen eta boluntarioen talde bat koordinatuz.
• Kudeaketa-arloko jarduerak planifikatzea eta ebaluatzea, eta haien prozesuak hobetzea, haien eraginkortasuna handitzeko.
• Epe ertainerako finantza-plangintzako prozesu instituzionalen eta urteko aurrekontuen buru izatea, horien definizioan eta jarraipenean, koordinazio-taldearen jarduerak koordinatuz, lantalde gisa, bai eta arloko koordinazioenak ere, banaka, finantzaketa-iturri publiko zein pribatuen iraunkortasuna eta dibertsifikazioa bermatzeko.
• Kontabilitate orokorra, analitikoa eta kontabilitatez kanpoko egoerak gainbegiratzea, bai eta finantza-egoeren elaborazioa ere.
• Patronatuaren aurrean txosten ekonomiko-finantzarioa egitea, erakundearen aurrekontuak eta urteko kontuak onartzeko.
• Erreferentzia izatea finantzen, gardentasunaren eta gobernu onaren kanpo-auditoretzarako.
• Finantza-inbertsioen zorroa kudeatzea eta inbertsioen txostena aurkeztea, Balore Merkatuaren Batzorde Nazionalaren irizpideen arabera.
• Diruzaintza kudeatzea eta erreferentzia izatea finantza-erakundeentzat.
• Euskal Autonomia Erkidegoko Fundazioen Erregistroarekin kontuak emateko eta lege-aldaketak (estatutuak, patronatua, ahalordetzeak) jakinarazteko betebeharrak gainbegiratzea.
• Langileen administrazioa koordinatzea eta kanpoko gestoriarako erreferentziazko pertsona izatea.
• Zerga- eta lege-betebeharrak betetzen direla bermatzea.
• Notariotzekin eta albazeekin elkarrizketa koordinatzea, herentziak eta legatuak kudeatzeko.
• Erakundearen informazioaren eta komunikazioaren teknologien (IKT) plangintza eta kudeaketa integrala bermatzea.
• Erosketen kudeaketa gainbegiratzea, ezarritako irizpide ekonomiko eta etikoen arabera.
• Alboan-ek beste erakunde batzuekin sinatutako hitzarmenak berrikustea, onartzea eta artxibatzea.

4. Eskatutako profila

• Enpresa Administrazio eta Zuzendaritzako edo Ekonomiako goi-mailako unibertsitate-formakuntza akademikoa.
• Gutxienez bost urteko esperientzia antzeko lanpostuetan, ahal bada hirugarren sektorean.

        Baloratuko da:

• Alboan-i buruz aurretiko ezagutza eta/edo boluntariotzako esperientziak.
• Euskaraz eta ingelesez aritzea, mintzatua eta idatzia.

5. Eskatutako eskumenak​

• Ekintzailetza- eta lidergo-gaitasuna.
• Lorpenera bideratzea.
• Profesionaltasuna: lan zorrotza eta kalitatezkoa.
• Denboraren plangintza, kudeaketa eta lehentasunak ezartzea.
• Taldean lan egiteko gaitasuna eta proaktibitatea.
• Sormena, jarrera positiboa erronka berrien aurrean eta ikasteko interesa.
• Harreman pertsonaletarako erraztasuna eta enpatia.

6. Eskaintzen da

• Alboan erakundearen barne-baremoaren araberako ordainsaria.
• 36 orduko lanaldi osoa astean.
• Alboan-ek berdintasunaren aldeko plana, ingurune seguruko politika eta genero-politika ditu.
• Lekua: Alboan-eko Bilboko egoitza.
• Hasierako data: 2024ko martxoa