Eusko Legebiltzarrean Nazioarteko Lankidetzak duen garrantzia azpimarratu du Alboanek
Urriaren 25ean Eusko Legebiltzarreko Giza Eskubideen, Berdintasunaren eta Justiziaren Batzordean parte hartu zuten euskal gizarte-erakundeetako hainbat ordezkarik, Lankidetzaren eta Elkartasunaren Lege-proiektuari ekarpenak egiteko. Alboan-eko zuzendari exekutibo Mary Tere Guzmanek legegintza-egoitzara eraman zituen Nazioarteko Lankidetzaren esparruko hausnarketak eta aldarrikapenak.
Mary Tere Guzmán-ek adierazi zuen beharrezkoa dela lankidetzaren legea "bultzatzailea izatea, aurrean ditugun erronka globalei erantzun ahal izateko". Era berean, honako hau adierazi zuen: "Lege berri hau aukera da, erronka asko dituen euskal sistema indartzeko".
[[{"fid":"7002","view_mode":"default","fields":{"format":"default","field_file_image_alt_text[und][0][value]":false,"field_file_image_title_text[und][0][value]":false},"type":"media","attributes":{"height":"347","width":"520","class":"media-element file-default"}}]]
Hobekuntzen atalean, Alboan-eko zuzendariak kontuan hartu beharreko eskaera batzuk zerrendatu zituen:
- Gizarte-erakundeak indartzea, gaitasunak indartzeko eta euskal gizartearen eta lan egiten dugun herrialde/lurraldeen arteko lotura ahalbidetzeko.
- Erakundeen arteko koordinazioa, lankidetza-politikak beste garrantzi bat izan dezan eztabaida politiko eta sozialean. "eLankidetza funtsezko eragilea da lege hau garatzeko prozesuan".
- Beharrezkoa da Legebiltzarraren, Batzarren eta udalen inplikazioa eta eztabaida, bai eta toki-administrazioetako sail guztiena ere. "Lankidetzari buruzko eztabaida politikoa ezin da lege hau onartzearekin amaitu".
- Baliabide ekonomiko nahikoak hornitzea. "Borondate politikoa behar dugu 0,7ko bidean aurrera egiteko."
Azkenik, Mary Tere Guzmán-ek adierazi zuen tresna berriak behar direla lankidetza berritzaile eta multiaktore bat garatzeko, bai eta zuzeneko lankidetzaren eta GGKEen bidez garatutako lankidetzaren arteko osagarritasun handiagoa eta hobea izateko ere.
Agerraldian Fernando Altamira, INCYDE Fundazioa; Arantza Chacon, Zehar Errefuxiatuak; Silvia Felipe González, InteRed Euskal Herria; eta Jose Antonio Sanahuja, Carolina Fundazioa ere izan ziren.
